عدد الرسائل : 43 الموقع : http://walid22.maktoobblog.com نقاط : 5603 تاريخ التسجيل : 13/03/2009
موضوع: مكتبة كلمات أغاني فرقة عقد الجلاد الجمعة 20 مارس 2009, 09:13
معاً لنصنع اكبر مكتبة لكلمات اغاني فرقة عقد الجلاد الغنائية
وليد سيف المدير
عدد الرسائل : 43 الموقع : http://walid22.maktoobblog.com نقاط : 5603 تاريخ التسجيل : 13/03/2009
موضوع: رد: مكتبة كلمات أغاني فرقة عقد الجلاد الجمعة 20 مارس 2009, 09:17
كل الخير
لانك عندى كل الخير
وجيهك فرحة الدنيا
ودواخلك زى شعاع النور
عرفتك وكنت زى شفتك
قبل القاك
وزى انك بتنبعي من فرح جواى
تمسحي عن رؤاى الضيم
وتضحكي للزمان الجاى
وتتفجر مسامك ضي
مع الصبح الغشانا شوى
كأني معاك كائن حي
كأنو صفاك كأنو الحل
افارقك والعمر عندك
زهيراتاً غشاها الطل
واحاسيسك بتتكمل
غنيواتك بتتبارك مع
الايام وتتجمل
افارقك والزمان اجمل عشان
تشعل ملامحي ضياك كل مانجيمه
تتحول
وشان تفضل ملامحك فيّ زى ماكنتي في الاول
وليد سيف المدير
عدد الرسائل : 43 الموقع : http://walid22.maktoobblog.com نقاط : 5603 تاريخ التسجيل : 13/03/2009
موضوع: رد: مكتبة كلمات أغاني فرقة عقد الجلاد الجمعة 20 مارس 2009, 09:21
حاجة امنة
حاجة آمنة أصبرى عارف الوجع فى الجوف شديد عارفك كمان ما بتقدرى اصبرى .. اصبرى جاهلك شكى وجاهلك بكى وفى بيتك المرق اتكى والشيء البحير ومابحير مابيه يا حاجة الزكاة ... طلع الصباح لو ليك مراد يا حاجة ما تطلع شمس والليلة عندك زى أمس لسه الرويدى مع الصباح من مدة ماجاب ليك خبر كان جوفو زى جوف العيال من مدة داير ليه حجر والله على الزمن الحجر المابى بالصبر اتكرى سرحتى فى هموم العيال كيفن يعملوا مع الدروس وسرحتى فى حق الفطور باقى الامور البى القروش واحد زمن داير ردا واحد خلاص قلموا اتكسر زى التقول أكلوا الصبر يا حاجة آمنة اصبرى مشيتى لى برج الحمام برجك صفحتين ما بزيد ومشيتى لى برج الحمام كان تلقى ليك جوزاً جديد يمكن بعد طلع الصباح يغشاكى زولاً يشترى هبشتى جاى فتشتى جاى كان تلقى سكر بس محال باقى الرطيل الفى الكرت يا حاجة سفوهوا العيال يا حليل زمان وسنين زمان يا حاجة لو تذكرى ... يمه وسمعتى صوت جاك من بعيد وبعد قليل بابك ضرب وسمعتى صوت جاك من بعيد شالك تعب ... ختاك تعب يا حاجة ناس المويه جوك أصلو الشهر روح جرى يا حاجة آمنة اصبرى بعد صراع وصراع طويل يا حاجة بينك والمحال ما لقيتى فى داك النهار شيتاً ويجو ياكلوا العيال حبة عدس ما بسوى شيئ وينو البصل وينو اللحم حبة عجين ما بسوى شيئ وينو الدقيق وينو الفحم من جاى لجاى هبشتى جاى فتشتى جاى كان تلقى شيئ لازمك كتير شان تقدرى لازمك كتير اتقدرى .
وليد سيف المدير
عدد الرسائل : 43 الموقع : http://walid22.maktoobblog.com نقاط : 5603 تاريخ التسجيل : 13/03/2009
موضوع: رد: مكتبة كلمات أغاني فرقة عقد الجلاد الجمعة 20 مارس 2009, 09:24
اولاد المدارس
يــلا يـا اولاد المــدارس فـي ربى السودان وسهله يلا شخبطو في الكراريس اكتبوا الواجب وحلوا دينق زايد محمد احمد فاس وطورية وزراعة فاطمة زايد ميري ببقوا غنوه نيلية بشراعه وردتين على يامبيو ووردة تالتة على رفاعة يي بلدنا وكلنا اخوان سوداني بلدنا يي حرب زايد بندقية يختفوا اللقمة الهنية من أصابع طفل جائع أمو حزنانة وشقية حرب بتضيع ولادنا يلا يا اولاد المدارس هاتو من القلب غنية للخضار والازدهار للسلام والتنمية للعصافير المهاجرة تبني عشها مرة تانية
وليد سيف المدير
عدد الرسائل : 43 الموقع : http://walid22.maktoobblog.com نقاط : 5603 تاريخ التسجيل : 13/03/2009
موضوع: رد: مكتبة كلمات أغاني فرقة عقد الجلاد الجمعة 20 مارس 2009, 09:26
ايدينا للبلد
الغربه ان شاء الله تعقري ياتعدمي المال الفقري يا تعدمي الشيك الخضري والله شلتي العيال من بدري والله شلتي ايدينا ياولد ايدينا للبلد كان اخويا اللبره جانا والله يصلح الحال معانا والله يصلح الحال معانا شلنا الغربه المئخرانا شلنا الغربه ايدينا ياولد ايدينا للبلد ننتج بي ايدينا والله نخلص العلينا شان تشيل ام ريكا دينا نبني دارناوتبقه لينا نبني دارنا اخلاصنافي العمل ا خلاصنا في العمل يسوقنا للامل حكومه كان تنصلحي كات تعرفي عيشي وملحي كان تشوفي اللبي تزحي ماتباري القول تلحي كان تعرفي كان الحكوم صلح سودانا صار مليح ايدينا ياولد ايدينا للبلد
وليد سيف المدير
عدد الرسائل : 43 الموقع : http://walid22.maktoobblog.com نقاط : 5603 تاريخ التسجيل : 13/03/2009
موضوع: رد: مكتبة كلمات أغاني فرقة عقد الجلاد الجمعة 20 مارس 2009, 09:29
خلصنا الليل
كل مانقول خلصنا الليل يطلع باكر ليلا" أطــول كل مانقول كملنا الشيل تطلع شيلة باكر أتقل بس نتحمل ونصبر ونأمل انو الجاى صباحا" أجمل لكــــــــــــــن كيـــــــــف وطعم الريد الفينا اتحول مرة تشيلك فــــــوق الفوق مرات تملاك فاقه وضيق تلقى الدنيا تلم في هموما تفتح جرحك وأنت تضوق انسي واقول مامنها مـــــنى دايما بحلم وانأ ممحـــــوق قلنا كنير الشارع بقصــــر لما نصــــبر نحنا نــكــون لما الزول في يوم يتعـــتر بكـــره القاسو الشافو يهون وبكره بنمشي ألخطوه الأولي التانيه التالته الرابعة الخامسة فــــــــــــــــــــــــــــــــــــــجــــــــــــــــــــــــــــــــــــــــــــــــــأة نلقي الشارع قسي وأتحجر نلقي الحلم الفينا أتكـــــــسر ويبــــــــقى الـــــــــــــزول مسجون مجــــــنون مغبون بالــــــــــــهم مسكـــــــون منحوس ويكوس ويـــكوس هسه دا شارع ماشى لي وين لينه عليه سنين وسنين نمشى كأننا ما ماشين نفتح سكه نسد اتنين هوى يا شارع ماشى لي وين
دنيا التفاؤل مشرف
عدد الرسائل : 46 نقاط : 5606 تاريخ التسجيل : 14/03/2009
موضوع: رد: مكتبة كلمات أغاني فرقة عقد الجلاد السبت 21 مارس 2009, 18:06
شنو يا وليد ليه يعنى عقد الجلاد بس؟؟؟؟؟؟؟؟؟؟؟؟؟؟ ماتخليك ظريف وخلى اى زول ينزل الاغنية البحبها او العجبتو وما مشكله لو لقى اغنيه لعقد الجلاد ينزلها ولاشنو ياشباب رايكم شنو...
وليد سيف المدير
عدد الرسائل : 43 الموقع : http://walid22.maktoobblog.com نقاط : 5603 تاريخ التسجيل : 13/03/2009
موضوع: رد: مكتبة كلمات أغاني فرقة عقد الجلاد الأحد 22 مارس 2009, 11:38
[quote="دنيا التفاؤل"]شنو يا وليد ليه يعنى عقد الجلاد بس؟؟؟؟؟؟؟؟؟؟؟؟؟؟ ماتخليك ظريف وخلى اى زول ينزل الاغنية البحبها او العجبتو وما مشكله لو لقى اغنيه لعقد الجلاد ينزلها ولاشنو ياشباب رايكم شنو...[/quote
كمان اقول ليك حاجة
اية رايك نعمل مكتبة لاي فنان
موضوع صعب لكن جميل جدا
يكون عندنا مكتبة لجميع الفنانين
فيها كل الاغاني السودانية
دنيا التفاؤل مشرف
عدد الرسائل : 46 نقاط : 5606 تاريخ التسجيل : 14/03/2009
موضوع: رد: مكتبة كلمات أغاني فرقة عقد الجلاد الأحد 22 مارس 2009, 13:19
اقتراح جميل..وتكون كل اغانى فنان فى بوست خاص بيهو وكدا شويه شويه نكون كلنا المكتبه دى.. وممكن كمان نعمل بوست للاغانى العربيه والحابى يشارك فى اى بوست يتفضل وينزل اغانيهو لفنانو المفضل...